सिलगढी पुलिस आयुक्तले शुक्रबार सिलगढी मेट्रोपोलिटन क्षेत्रका विभिन्न दुर्गा पुजा कमिटीलाई पुजा अनुदान हस्तान्तरण गरे। दुर्गा पूजाका लागि, राज्य सरकारले सिलिगढी साथै राज्यभरिका विभिन्न पूजा कमिटीहरूलाई अनुदान हस्तान्तरण गरिरहेछ। यस वर्ष, प्रत्येक क्लबलाई राज्य सरकारले 1 लाख 10 हजार रुपियाँ अनुदान दिइरहेको छ। मुख्यमन्त्री ममता ब्यानर्जीको घोषणा गरेअनुसार, सिलगढीमा पनि यस वर्ष प्रत्येक क्लबलाई 1 लाख 10 हजार रुपियाँ आर्थिक सहयोग दिइयो। शुक्रबार, सिलगढी पुलिस आयुक्तले सिलगढीको मायादेवी र सेन्ट्रल कोलोनीलगायत थुप्रै पूजा कमिटीहरूमा गएर पूजा अनुदानको चेक हस्तान्तरण गरे। 
पहिलो पटक, सिलगढी पुलिस कमिश्नरेटको पहलमा, शहरमा महिलाहरूद्वारा सञ्चालित दुर्गा पूजा पण्डालमध्ये उत्कृष्ट तीन पूजा कमिटीहरूलाई क्रमशः पहिलो, दोस्रो र तेस्रो पुरस्कारले सम्मानित गरिइने पुलिस आयुक्तले जानकारी गराए। महिलाहरूलाई प्रोत्साहन दिनका लागि यो पहल थालिएको उनले बताए।  उनले शुक्रबार महिलाहरूद्वारा सञ्चालित पूजा कमिटीहरूलाई चेक पनि हस्तान्तरण गरे। यस अवसरमा सिलगढी पुलिस आयुक्तसँगै, सिलगढी मेट्रोपोलिटन पुलिसका डेपुटी पुलिस कमिश्नर राकेश सिंह, एडिशनल पुलिस कमिश्नर ट्राफिक अभिषेक मजुमदार लगायत विभिन्न पुलिस स्टेशनका एसीपी र आईसी, ओसीहरू उपस्थित थिए।